کۆمەڵەشێعری “دنیای ئاڵا” بەپێی ستاندارد و پێوەرە زانستییەکان بۆ منداڵانی کەمتر لە شەش ساڵ نووسراوە و هەنگاوێکی جیددییە بۆ دەسپێکی پرۆسەی بە”ڕەخنەگر” و پرسیارکەر” کردنی منداڵانی سەردەم. نووسەر دەلاقەیەک بەرەوڕووی جیهان‌بینییەکی تازە لە دەقی منداڵانەدا دەکاتەوە و بە کەڵک وەرگرتن لە گێڕانەوە، مەفهوومە شێعرییەکان لە حاڵەتی تەوسیف‌دا ناهێڵێتەوە و بەردەنگ، بەردەوام لەگەڵ مەسئەلە شێعرییەکان‌ ئاوێتە دەبێ و خۆی دەبێتە بەشێک لە ڕێوایەتەکە. منداڵ لە دەقێکی لەو چەشنەدا تا ڕادەیەک لە ئاستی ئۆبژەیەکی بێ‌دەسەڵات‌ڕا دەگوازێتەوە بۆ سووژەیەکی خاوەن ڕۆڵ.